Lag utskriftsvennlig brosjyre om"Blogging"

Temaer

BLOGGING

Hei! Eg heiter Nora og er 14 år gammal. Eg elskar å syngje og å ta bilete saman med vennene mine. Eg har to kattar og bur i Bergen. Her skriv eg om alt mellom himmel og jord som interesserer og IRRITERER meg! Follow me:-D

Les meir

Visste du at...

...det finst omlag 850 000 bloggar i Noreg? Eller at mange foreldre er bekymra for barnas nettbruk?

Les meir

Aktive bloggar

I 2010 var det ca. 850 000 bloggar i Noreg. Av dei er 350 000 rekna som aktive, det vil seie at dei blir oppdaterte jamleg.

Foreldre reagerer

Noregs største bloggenettstad, Blogg.no, og Forbrukarombodet får mange telefonar frå foreldre som er bekymra for barna sine. Foreldra reagerer på at barna blir utsette for marknadsføring og kommersielt press, og at unge bloggarar er blitt viktige målgrupper for næringsdrivande. Mange av klagene går òg ut på at barn og unge har blitt lurte til å bruke pengar på tenester dei ikkje vil ha, eller ikkje har forstått kostar pengar, gjennom Internett og mobiltelefonen.

Bilete på nett

Kvar gong du legg ut bilete av éin eller fleire personar på nettet, må du først spørje om lov og få eit skikkeleg JA. Eit ja som er gitt éin gong, gjeld ikkje evig. Dersom den som har sagt ja, seinare angrar, er du forplikta til å hjelpe til med å fjerne biletet.

ORDBOKA

Blogg = ei forkorting for "weblogg", og er ei nettside der éin eller fleire bloggarar legg ut tekst, bilete eller videoar om eitt eller fleire tema.

Seriøst!?!

Her kan du lese om bloggekjendisen som ville ta betalt for ein bokomtale, og andre historier frå verkelegheita.

Les meir

Bloggkjendis ville ta betalt for bokomtale

Då bloggaren bak ein av dei mest lesne norske bloggane, Fotballfrue.no, kontakta eit forlag og bad om betaling for å omtale og anbefale ei bok på bloggen sin, blei forlaget sjokkert. – Dersom bloggarar tek betalt for å snakke positivt om varer, utan at det går fram at det er reklame, er lesaren den skadelidande, seier Ingunn Lindborg.

Ifølgje Forbrukarombodet er lova heilt klar: Dersom ein tek betalt eller får produkt, skal det gå fram at det er betalt reklame. – Viss ikkje kan det vere i strid med marknadsføringslova og bli rekna som skjult reklame, seier Sara Holthe Jaklin.

Kjelde: E24

Unge jenter bloggar seg sjuke

En rekkje unge jenter bruker blogg til å fortelje om korleis dei trenar og et, men ekspertar åtvarar mot elendige helseråd og sjølvskryt på nett.

– Det er kjempefarleg, eit stort risikoprosjekt. Jenter i 16–17-årsalderen får massevis av feilinformasjon frå nettet, meiner professor Jorunn Sundgot-Borgen på Idrettshøgskolen. Ho er ein av Noregs fremste ekspertar på eteforstyrringar.

– Det kan føre til eit einsidig kosthald som gir mangelsjukdommar, og det kan føre til overtrening og belastningsskadar, seier Sundgot-Borgen.

Kjelde: Dagbladet

14-åringar bør ikkje blogge

Emilie ”Voe” Nereng var 13 år då ho blei bloggkjendis i 2009. Etter tre år som bloggar fekk Voe nok av negative tilbakemeldingar og la ned bloggen: ”Hallo, eg er jo berre ei heilt vanleg jente som blir lei meg når folk snakkar stygt om meg!” skreiv Voe då ho slutta å blogge.

Alle som bloggar, kan forvente vondskapsfulle kommentarar tilbake. – For å vere heilt ærleg, synest eg ikkje 14-åringar bør blogge, seier ein annan av toppbloggarane, Linnea Myhre.

Kjelde: Aftenposten

Russebloggar blei rådgivar over natta

Bloggaren Even Sandvold Roland fekk mykje merksemd då ein person i plateselskapet Warner Music kalla han ein drittungebloggar på Twitter. Roland var irritert over at siste plata til favorittartisten hans ikkje kunne kjøpast via iTunes i Noreg, og hadde skrive om det på bloggen sin. Dagen etter blei han invitert til en stor mediekonferanse for å fortelje om opplevinga. Så fekk han sommarjobb som journalist i VG Nett, og året etter blei han tilsett i eitt av dei største kommunikasjonsbyråa i Noreg.

Kjelde: VG

Hva mener du!?!

Diskuter og løys oppgåver om blogging.

Les meir

Kva meiner du?

Lag ei liste med positive og negative sider ved blogging. Korleis kan blogging vere positivt eller negativt for lesaren? Og korleis kan blogging vere positivt eller negativt for bloggaren?

Kan du eigentleg vite om ein bloggar er den han/ho gir seg ut for å vere? Er det greitt å gi seg ut for å vere ein annan enn ein er? Og korleis kan du vite om det som blir skrive, stemmer med verkelegheita?

Somme meiner at barn ikkje bør blogge. Kvifor / kvifor ikkje bør det vere ei aldersgrense på blogging? Kva bør i så fall grensa vere?

Mange av dei populære bloggarane opplever å få stygge kommentarar på bloggen sin. Enkelte ser ut til å meine at viss du legg ut ting om deg sjølv på nettet, må du tole å få negative tilbakemeldingar.

      –  Er du einig? Kvar går grensa for kva ein bloggar må tole?

Oppgåver

Finn ein blogg som handlar om eit tema du er oppteken av. Kva liker du best ved bloggen? Korleis vil du vurdere kor truverdig informasjonen du finn i bloggen er, samanlikna med det du finn i ei nettavis eller på Wikipedia?

Mange kjende bloggarar får tilsendt produkt, til dømes klesplagg eller sminke. Ifølgje marknadsføringslova må dei seie frå viss dei bloggar om produkta dei har fått tilsendt.

– Vel éin av toppbloggarane på http://www.blogglisten.no/ (sida blir opna i eit nytt vindauge), og finn eksempel på ein bloggar som skriv at han eller ho har eller ikkje har blitt sponsa med produkta dei skriv om. 

– Korleis kan du vite om produkt og tenester ein bloggar skriv om, er sponsa eller ikkje?

Voes bloggtips

Emilie Nereng, også kjend som ”Voe”, tok til å blogge då ho var 13 år gammal. Etter eit halvt år var bloggen hennar Noregs mest populære, og var det heilt til Emilie valde å leggje han ned. Her deler ho bloggtipsa sine!

Les meir
  • Ikkje tru alt du les! Enkelte liker å gjere seg meir interessante ved å spreie rykte, ta ting ut av samanheng og vri og vende på sanninga.

 

  • Skriv positivt! Det er ingen som liker å lese ein blogg som gjer deg i dårleg humør. Ikkje diss andre, respekter at folk er forskjellige.

 

  • Pass på deg sjølv! Ikkje legg ut bilete eller skriv innlegg som du kan komme til å angre på. Du treng ikkje å fortelje absolutt alt om deg sjølv.

 

  • Ein blogg kan gi deg masse merksemd! Men ver førebudd på å få stygge kommentarar, alle bloggarar får det før eller sidan. Ver heller ikkje den som legg igjen drit på andres kommentarfelt.

 

  • Blogging skal vere gøy! Lag ein bra blogg som du er fornøgd med, ha det som hobby og ikkje som konkurranse. Då blir det ikkje berre lettare, men mykje artigare òg!

 

Har du  lyst til å lese fleire bloggtips, kan du gå inn på Barneombudets nettside om blogging (sida blir opna i eit nytt vindauge).

Stygge kommentarar

Get the Flash Player to see this player.

 

Hanna er 14 år og har blogga i snart tre år. Ho bloggar om alt mogleg: vener, klede og om ting som skjer i livet hennar. Her kan du høyre tankane hennar om det å leggje igjen stygge kommentarar på bloggar.

Last ned

Idium Portalserver 3.0idium webpublisering